Hezkuntza-eta-gizarte-programa

Lehiaketako kategoria bakoitzak bere gai nagusia dauka. Haurren (6 urtetik 11ra) marrazkiek jorratu beharko dute denboraldi honetako Baluarte Txiki Familiendako Ikuskizun Zikloaren programazioan proposatzen diren gaietako bat. Gazteen (12 urtetik 16ra) marrazkiak berriz, gai irekia jorratu beharko dute: Baluarte, zure inspirazio iturria.

Programa horiek txikienengandik hasi eta Nafarroako hezkuntza-sistemaren azken mailetaraino doazen ikasleentzat dira, eta ikasgelak ikuskizunetarako eta kontzertuetarako aretoarekin konektatzen dituzte, aurretik ikastetxeetan irakasleek egindako lan baten bidez. Hain zuzen, asmoa da ikasleek esperientzia aktibo eta parte hartzeko batez gozatzea eta, aldi berean, ezagutzak eskuratzeko eta arlo eszenikoarekin harreman positiboa eta gozatzekoa izateko prozesu bat bizitzea.

Haurrek Baluarte Auditoriora joateko duten aukera ikastetxeei loturik soilik ez egoteko, Baluarte Fundazioak kalitate handiko ikuskizunak ematen ditu eta, haien bidez, hainbat diziplina eszeniko aurkeztu eta hurbiltzen zaizkio publiko gazteenari, beraiendako konfiantza-girorik goxoenean: hau da, haien familiaren ondoan.

Fundazioaren nahia da komunitatearen parte-hartzea bultzatzea sustatzea, promozio pertsonala laguntzea, pertsonaren gaitasunak sendotzean eta indartzean elkarrekin lan eginda, eta sormena bultzatzea. Denboraldi honetan, Baluarte a tono eta Baluarte en movimiento programak estreinatuko dira. Hain zuzen, parte hartzeko tailer komunitarioen zenbait ziklo garatuko dira, musika- eta ahots sentsibilizaziokoa, lehena, eta erritmo eta mugimendukoa, bigarrena, eta kalteberatasun- egoeran dauden pertsonentzat izango dira. Baluarte a tono zikloa Sudurgorri Vocal Studiok gidatuko du. Talde hori Izaskun Zurutuza Pérezek (ahots-irakaslea, abesbatza- zuzendaria eta abeslari profesionala) eta Iker Bengotxea Goyak eratzen dute (bikoizketako aktorea, lokutorea eta abeslari profesionala). Baluarte en movimiento zikloa, berriz, Txus Eguílazek gidatuko du. Eguílaz perkusionista, dantzaria, aktorea eta pedagogoa da. Saioak ikasturtean zehar egingo dira, Baluarteko Bulevar aretoan, eta Nafarroako Gobernuko Gizarte Eskubideetarako Departamentuak kudeatutako talde txikiekin.

Denboraldi honetarako aurreikusitako hitzorduak Baluarteko Gola aretoan egingo dira, sartzea librea izango da leku-kopuruak bete arte, eta ikuskizuna hasi baino ordu bat lehenago izango dira. Zehazki, hauek izango dira.

Kontzertuak prestatzeko gakoak hurbilagotik ezagutzeko parada emate aldera, Nafarroako Orkestra Sinfonikoak abonu denboraldiko programetako entsegu orokor batzuetako ateak zabaldu ditu Baluarte auditorioan. Bigarren Hezkuntzako, Batxilergoko eta Heziketa Zikloetako ikasleentzat da, bai eta Nafarroako taldeentzat ere.

Nafarroako Orkestra Sinfonikoak Baluarte Auditorioan bere denboraldiko zikloaren barnean ematen dituen kontzertuetako batzuk publikoarengana hurbiltzeko asmoz, entzunaldi iruzkinduak antolatzen dira, 60-70 minutu ingurukoak, aukeratzen diren kontzertuen aurreko asteazkenetan, hain zuzen. Entzunaldiek behar diren gakoak eskainiko dituzte kontzertuak hobeki interpretatzeko eta gozatzeko. Emailea Maria Setuáin Belzunegui izanen da, irakasle aditua bitartekaritza musikalean.

Zikloaren helburua da kontzertuak ganbera-taldeetan eskaintzea, publikoak espazio berrietan gozatu eta bizi dezan musika-genero horri berez darion intimitatea. Egitarauetako lanak hainbat estilo eta garaitakoak izanen dira, eta kontzertuen aurretik, guztiak ere aurkeztu eta bere testuinguruan kokatuko dira. Denak OSN-NOSeko irakaslez osaturiko taldeen eskutik.

Nos Nafarroako Foru Komunitateko bazter guztietara kontzeturik eskaini daitekeen haietarairisteko ahaleginean ari da, konpromisoa hartua baitu bera jarduera nafar herritar gehienen artean zabaltzeko eta eskariari erantzuteko. Horrekin bat, errepertorio klasiko handiko kontzertuak eskaintzen ditu publiko mota guztientzat, nafar herrietako kultur ekipamenduetan zehar.

Baluarte Fundazioak %20ko deskontua eskeintzen du sarrera solteen salmenta librean eremu guztietarako eta salmenta libreko denboraldi osorako, 30 urtetik beherakoentzat. 14 eta 30 urte artekoek Gazte Txartela izan eta erakutsi beharko dute leihatilan; eta 14 urtetik beherakoek, berriz, NANa edota beste identifikazio bat. Azken hiru salmentaegunetan %70eko deskontua eskeintzen du baita ere eremu guztietan 30 urtetik beherakoentzat. Sarrerarik badago. 14 eta 30 urte artekoek Gazte Txartela izan eta erakutsi beharko dute leihatilan; eta 14 urtetik beherakoek, berriz, NANa edota beste identifikazio bat.

Nafarroako Orkestra Sinfonikoak topaketak ahalbidetzen ditu kontserbatorio eta musika eskoletako ikasleen eta Baluarte Auditorioko kontzertu-denboraldi nagusira etorriko diren arlo artistikoko profesional ospetsuen artean. Hitzorduok batzuen eta besteen arteko topaguneak sortu nahi dituzte eta, aldi berean, profesionalen esperientziak zuzenean ezagutzeko aukera eskaini, Nafarroako ikasle gazteentzat inspirazio eta motibazio iturri izateko balio dezaketelakoan.

Nafarroako Orkestra Sinfonikoa ROCE edo Hezkuntza eta Gizarte Kontzertuen Antolatzaileen Sareko kidea da. Irabazi-asmorik gabeko erakunde publikoek nahiz pribatuek osatuta, elkartearen helburu nagusia da kideen arteko hezkuntza-ekintzak koordinatzea, lankidetza sustatzea eta hezkuntza-proiektuen garapena bultzatzea.

¡No te pierdas nada!

¿Quieres estar al corriente de todas nuestras actividades? Envía «Alta» al 636 863 257 y apúntate a nuestra lista de WhatsApp

Fácil, rápido y gratuito. Para darte de baja, solo tendrás que borrar nuestro teléfono de tu lista contactos.