Audición guiada - La Mer

Entzunaldi gidatua: “La mer” (C. Debussy)

María Setuain Belzuneguik —musika-bitartekaritzako irakasle espezialistak—, entzunaldi gidatuen bidez, agerian jartzen ditu Nafarroako Orkestra Sinfonikoak 26-27 abonu-denboraldian interpretatutako obren zenbait gako. Ekimena Enclave Fortissimoren parte da; Enclave Fortissimo, zehazki, kultura- eta musika-arloko bitartekaritza programa bat da, Baluarte Fundazioaren Hezkuntza eta Gizarte Programaren, Nafarroako Orkestra Sinfonikoaren eta Nafarroako Kutxa Fundazioaren lankidetzaren ondoriozkoa. Herritarrak kulturan parte hartzera bultzatzeko jomuga du, eta ikus-entzuleen eta espezialisten arteko elkarrizketarako eta topaketarako gune bat eskaintzen du.

“La mer” (C. Debussy)

XX. mendeko hasierako urteetan konposatu zuen Debussyk La mer, eta leku berezia du musikaren historian natura modu berezian irudikatzen duelako. Debussyk ez du itsasoa narratiboki deskribatu nahi; aitzitik, itsasoaren argi-, kolore- eta mugimendu-aldaketa etengabeak iradokitzea izan zen bere asmoa. Orkestra tinbre-laborategi aparta bihurtzen da, eta doinu tradizionalek protagonismoa ematen diote atmosfera eta sentipenei. Badirudi olatuak, lanbroak, islak eta bat-bateko bulkadak soinutik bertatik irteten direla. Paisaia begietsi baino, entzulea bertan murgilduta geratzen da.