Anónima

Pertsona ikusezinei egindako omenaldi bat; ez dira ikusten ez onerako ez txarrerako, besterik gabe ez dira existitzen. Inork ez die galdetzen, norbaitek erabakitzen du haien ordez.

Zirku, dantza eta antzerki fisikoaren proposamen hunkigarri honek pertsona ikusezin eta entzun gabeak omentzen ditu, bizitza desnaturalizatu baten eta gizarte deshumanizatu baten laztasunak isilean jasaten baitituzte. Hiru antzezlek eguneroko kaosari umorez, sentsibilitatez eta mugimenduz egiten diote aurre, eta publikoa bizitzari, itxaropenari eta erresilientzia partekatuari buruzko gogoeta egitera gonbidatzen dute.

Emozioak sentitzeko, justizia izateko, erabakiak hartzeko edo gauza onak gertatu eta ospatu ahal izateko eskubidea gurutzatuko da oreka hauskorrean bizi direnen eta haien existentzia indibiduala oihukatu eta aldarrikatu ahal izateko haustura behar dutenen bidean.